Amerikalı musiqiçi Cared Maklemor ağır yanıq xəsarətlərindən dünyasını dəyişib.

Mediatv.az İstiPress-ə istinadən xəbər verir ki, musiqiçi özünə “Facebook”un birbaşa yayımında od vurub.

İnsident Tennisi ştatının Memfis şəhərində baş verib. Xəbər verilir ki, 33 yaşlı kişi küçənin ortasında, kamera qarşısında oturaraq əvvəlcə üzərinə ağ neft töküb, daha sonra od vurub. Sonra o, keçmiş sevgilisi Alisa Murun olduğu bara qaçıb.

Musiqiçi xəstəxanaya aparılsa da, onun həyatını xilas etmək mümkün olmayıb.

Qeyd edək ki, mayın 3-də Maklemor özünün yeni “The Path”albomunu “Facebook”da yayımlayıb və “Bu, sizin üçündür. Dinlədiyiniz üçün sağ olun” sözlərini yazıb.