Son dövrlər işğaldan azad edilmiş ərazilərə qayıdışla bağlı müəyyən narazılıqlar var. Belə ki, bəzi şəxslərin səlahiyyətlərindən sui-istifadə edərək işğaldan azad edilən ərazilərdə şəxsi evlərini tikməsi bir qisim köçkün əhalidə qıcıq yaradıb.    
“Unikal” xəbər verir ki, Bakı Abadlıq Xidmətinin memarı Elnur Abdullayevin səlahiyyətlərindən istifadə edərək Laçın şəhərində öz evlərini təmir-bərpa etdirməsi də sakinlər tərəfindən birmənalı qarşılanmayıb. Sosial şəbəkələrdə bu barədə etirazını bildirən laçınlılar Elnur Abdullayevin Laçında dövlətin tapşırıqlarını deyil, öz maraqlarına uyğun işlər apardığını iddia edirlər.Belə ki, E.Abdullayev Bakı Abadlıq Xidmətinin səlahiyyətli şəxsi kimi Laçında dövlətin müəyyənləşdirdiyi layihələri icra etməlidir, amma bu ad altında özünə və yaxınlarına ev tikməklə, şərait qurmaqla məşğuldur. Ağcabədi rayonu, Taxtakörpü qəsəbəsində məskunlaşan, Bakıda illərlə yataqxanalarda əziyyət çəkən Laçın sakinləri də haqlı olaraq bildirirlər ki, müharibə zamanı canını, qanını fəda edən qazilər, veteranlar Vətən həsrəti ilə zülm çəkirlər, amma E.Abdullayev dövlət resurslarından istifadə edərək özünə Laçında ev-eşik qurur.
 шаблоны для dle 11.2