“Sənətdə bəxti gətirən aktyorlardanam. Yeganə onda bəxtim gətirməyib ki, Azərbaycanfilm kinostudiyasında rejissorlar məni görməyiblər! Bütün filmlərim xarici ölkələrdə çəkilib. İndi axı onları heç kim görmür. Bütün filmlərim qaldı xarici ölkələrdə. Çox istərdim ki, onları öz ölkəmdə görüm".Mediatv.az xəbər verir ki, bunu Moderator.az-a açıqlamasında xalq artisti Tariyel Qasımov bildirib. O daha sonra əlavə edib.

“Sonuncu çəkildiyim serial “Fərhad və Şirin” olub. Bu gün çox dəvətlər gəlir, hamısına təbii ki, getmirəm. Rövşən İsaxın bütün seriallarını sevirəm, izləyirəm. Rövşən İsax hansı rola dəvət etsə mən çəkilərəm. Çünki o mənim güvəndiyim, inandığım rejissorlardandır. Allah mənə uzun ömür versin, ən böyük arzum budur. Roldan da doymuşam, verərlər oynayaram, verməzlər oynamaram. Amma yaxşı olar ki, aktyor hər zaman çəkilsin, teatrda işləsin. Bizdə yaş həddi qoyublar, teatra həsrət qalmışıq” deyə xalq artisti bildirib.

“Bağışlamağı bacarırsınız?” sualına xalq artisti belə cavab verib.

“Əslində bağışlamağı bacaran insanam, amma bir nəfər var ki, onu ömrümün sonuna qədər bağışlamayacam. Kimliyini demək istəmirəm. Əlbəttə ki, bunun səbəbi də var” deyə aktyor bildirib.шаблоны для dle 11.2