17.03.2016-cı il tarixdə Beyləqan rayon Traix-diyarşünaslıq muzeyində Novruz bayramı münasibətilə “Bahar çiçəkləri” adlı ədəbi-bədii gecə keçirildi.

   Mediatv.az xəbər verir ki, Muzeyin “Etnoqrafiya” bölməsində qədim tarixə malik olan Novruz adət və ənənələrini yaşatmaq və təbliğ etmək məqsədilə bayram əhval ruhiyyəsi yaradılmışdır. Novruzun atributu sayılan səməni qoyuldu, xonçalar bəzədildi. Açıq səma altında abidə muzey kompleksində tonqal qalandı. Tədbir iştirakçıları tonqalın ətrafına düzüldü. Milli geyimdə olan “Bənövşə” rəqs qrupu yallı, tərəkəmə və digər milli rəqslərimizi məharətlə ifa etdilər.

   Muzeydə yaradılmış  “Gənc istedadlar” dərnəyinin üzvləri mahnı oxudular, şerlər və hakışdalar söylədilər. Maraqlı səhnəciklər göstərdilər.

   Tədbirimizdə 1, 2, 3, və 4 №li tam orta məktəblərinin və Təbiət və Humanitar fənlər təmayüllü liseyin şagirdləri Uşaq Yaradıcılıq Mərkəzinin “Musiqi sevərlər” dərnəyinin rəqs qrupu iştirak etdilər.

    Çal-çağırlı novruz tədbirimiz bayram süfrəsi ilə başa çatdı.

    Sonda muzey işçiləri adından Mehriban xanım tədbir iştirakçılarına öz minnətdarlığını bildirdi.