Azərbaycanın Xalq şairi Zəlimxan Yaqubun bu gün səhər saatlarında səhhətinin pisləşməsi ilə bağlı yayılan xəbərlər həqiqətə uyğun deyil. 

Bu barədə AzVision.az-a açıqlamasında Z.Yaqubun qızı Günay Yaqubova məlumat verib.

“Bayaqdan zənglər gəlir ki, atamın səhhəti pisləşib. Yalan söhbətdir. Atam dializə gedib, saat birin yarısı üçün evə qayıtmalıdır. Səhhəti qaydasındadır, işə gedib-gəlir. Bir həftədir ki, Almaniyadan qayıdıb, müayinə üçün yenə gedəcək, amma nə vaxt getməyi hələki məlum deyil”. 

Qeyd edək ki, publika.az-ın məlumatına görə, Xalq şairi Zəlimxan Yaqub bu səhər xəstəxanaya yerləşdirilib. Şairin vəziyyəti kəskin pisləşdiyi üçün onu Klinik Tibbi Mərkəzə aparıblar.