Mediatv.AZ Kəpəz TV-yə istinadən xəbər verir ki, Daxili İşlər Nazirliyi, Gəncə şəhər Baş Polis İdarəsi, Gəncə şəhər Prokurorluğu və Kəpəz rayon Polis İdarəsinin birgə keçirdikləri əməliyyat-axtarış tədbirləri nəticəsində noyabr ayının 7-də Gəncə şəhər Üzeyir Hacıbəyov küçəsi, bina 81, mənzil 30-da yaşayan 47 yaşlı Pərvanə İsmayılovanı yandıraraq qətlə yetirən şəxslər saxlanılıb.

Məlum olub ki, onlar 27 yaşlı Gəncə şəhər sakini, əvvəllər məhkum olunmuş Rüstəm Hüseyinov və 26 yaşlı Müşviq Cəlilovdur.

Qeyd edək ki, hər iki şəxs Pərvanə İsmayılovanın qonşuları olublar. Faktla bağlı araşdırmalar davam etdirilir.