Bu gün Bakı Ağır Cinayətlər Məhkəməsində Xalq artisti Nazpəri Dostəliyevanın evindən oğurluq etməkdə təqsirləndirilən Cavid Əliyev, Yunis Hüseynli, Namiq Fərəcov və Ruslan Verdiyevin cinayət işi üzrə məhkəmə iclası davam etdirilib. 

Mediatv.az-ın  xəbərinə görə, hakim Əfqan Hacıyevin sədrliyi ilə keçirilən prosesdə zərərçəkmiş şəxs qismində Mikayıl Abdullayev ifadə verib.

O deyib ki, təqsirləndiriləm şəxslər onun evindən 25 min manata yaxın əmlakını aparıblar. Zərərçəkmiş ona vurulan ziyanın ödənilməsini tələb edib.

M. Abdullayev onu da deyib ki, evindən oğurluq qızının toy günü baş verib. 

Proses sentyabrın 20-də davam etdiriləcək.