Leninqrad əyalətinin Myaqkovo kəndində dekabrın 26-da sakinlər ərzaq mağazasının yaxınlığında yaralı qadın aşkar ediblər.   

Mediatv.az  Rusiya KİV-ə istinadən xəbər verir ki, qadın boğazı kəsilmiş halda tapılıb.

Sakinlər dərhal tibbi yardım çağıraraq qadını xəstəxanaya çatdırıblar. 

Qadının xəsarəti ağır olduğundan özü və hadisənin təfərrüatı barədə məlumat verə bilməyib. Hazırda onun vəziyyəti ağır olaraq qiymətləndirilir.

Polisin apardığı araşdırmalar nəticəsində qadının 25 yaşlı Azərbaycan vətəndaşı olduğu məlum olub.

Bildirilir ki, qadını naməlum şəxs bıçaqlayıb və hadisə yerindən “Şevrole” markalı avtomobilə əyləşərək qaçıb. Avtomobilin nömrələri artıq müəyyənləşdirilib.