Barda tanış olduğu və bir müddət bir yerdə yaşadığı qadını öldürməkdə təqsirləndirilən şəxsin məhkəməsi başlayıb.

Mediatv.az Musavat.com-a istinadən xəbər Bakı Ağır Cinayətlər Məhkəməsində qətl törətməkdə təqsirləndirilən 42 yaşlı Vorobyov Sergey Nikolayeviçin cinayət işi üzrə məhkəmə prosesi keçirilib.

Hakim Fikrət Qəribovun sədrliyi ilə keçirilən hazırlıq iclasında təqsirləndirilən şəxsin anket məlumatları dəqiqləşdirilib.

Qətl hadisəsi bu ilin iyun ayında Xətai rayonunun NZS qəsəbəsində baş verib.

42 yaşlı Vorobyov Sergey Nikolayeviçin evində meyiti tapılan 30-35 yaşlı qadın meyiti tapılıb.

S.Vorobyov həmin qadınla bir ay əvvəl şəhərin mərkəzindəki barlardan birində tanış olub. Həmin vaxtdan onlar Sergeyin NZS-dəki evində yaşamağa başlayıblar.

Tək yaşayan Sergeylə bir aya yaxın eyni evdə qalan qadın onun sonrakı rəftarlarından narazı qalıb və cütlük arasında qısqanclıq münaqişələri yaranıb.

Mayın 31-də onlar arasında dava-dalaş olub və həmin qadın Sergeyə bıçaqla hücum edib. Sevgilisinin əlindən bıçağı alan 42 yaşlı Sergey bir bıçaq zərbəsi ilə onu öldürüb. Qadının meyiti isə evdən iyunun 3-də tapılıb. S.Vorobyov ilkin ifadəsində qadının yıxılaraq xəsarət alması və boynunun sınması nəticəsində öldüyünü desə də, sonradan onun qətl törətdiyi üzə çıxıb.

Qətlə yetirilən qadının kimliyi uzun müddət müəyyən edilməyib. İlkin məlumatda onun adının Arzu olduğu məlum idi.

Məhkəmənin baxış iclası oktyabrın 10-na təyin edilib.