Azərbaycanda cinayət törədənlər daha çox əmək qabiliyyətli yaşda olub, lakin təhsili və işi olmayan şəxslərdir.

Mediatv.az-ın Trend-ə istinadən məlumatına görə, ötən il Azərbaycanda belə kateqoriyaya aid 12751 şəxs cinayət törədib.

Bu göstərici isə əvvəlki illərlə müqayisədə çoxdur. 

Belə ki, 2013-cü ildə Azərbaycanda əmək qabiliyyətli yaşda olub, təhsilsiz və işsiz 11420, 2014-cü ildə 12008, 2015-ci ildə 11991 nəfər cinayət törədib.

Ümumilikdə son illər ərzində təhsilsiz və işsiz şəxslər tərəfindən törədilən cinayətlərin sayı artsa da, bu göstərici 11 il əvvəllə müqayisədə azdır.

Belə şəxslər tərəfindən ən çox cinayət 2010-cu ildə törədilib. Həmin ildə 15535 cinayət hadisəsi qeydə alınıb.

Bu şəxslərin törətdiyi cinayətlərin sayı kiçik fərqlə 2005, 2010, 2011-ci illərdə daha yüksək olub.

2005-ci ildə təhsilsiz və işsiz şəxslər 15043, 2010-cu ildə 15535, 2011-ci ildə 15149 cinayət törədiblər.

Ümumilikdə son illər ərzində Azərbaycanda cinayət törətmiş şəxslərin sayı çoxalıb. 2013-cü ildə cinayət törətmiş şəxslərin sayı 14841, 2014-cü ildə 15560, 2015-ci ildə 16322, 2016-cı ildə 16676 nəfər olub.