Ştat rəsmiləri bununla bağlı sürücüləri xəbərdar edib ki, nəhəng yükün yola çıxacağı saatlarda həmin marşrutla hərəkət etməsinlər.

Generator BP tərəfindən “Şahdəniz-2” layihəsi üçün alınıb. BP-nin Rolls-Royce zavoduna üç belə generator sifariş verdiyi bildirilir. 

Nəhəng yük sabah səhər yerli vaxtla saat 9-da Mount Vernonda maşınlara yüklənəcək. Ştat polisi xəbərdarlıq edib ki, nəhəng yük ştatlararası avtomobil şossesində bütün hərəkət zolaqlarını tutacaq. Bununla əlaqədar olaraq yolda hərəkət sürəti saatda 30 milə qədər endiriləcək.

Yükü patrul polisi müşaiyət edəcək. Nəhəng generator şose yolla iki gün hərəkət etdikdən sonra cümə axşamı Belleyr liman şəhərinə çatacaq və orada yük gəmisinə yüklənilərək Bakıya yola salınacaq.