Çinin cənubundakı Foşan şəhərində gözlənilməz hadisə baş verib kobra ilanın 20 dəqiqə əvvəl kəsilmiş başı aşpazı sancıb.
The Daily Mail nəşrinin verdiyi xəbərə görə, restoranın baş aşpazı Penq Fan adəti üzrə kobranın başını kəsib kənara qoyaraq müştərilər üçün ilan ətindən xörək hazırlamağa başlayıb. O, 20 dəqiqədən sonra kobranın başını zibil qabına atmaq istəyib. Aşpaz əlini uzadan andaca kəsilmiş ilan başı onun üzərinə atılaraq ölümcül sancıb. Çinli təcili yardım gələnədək keçinib.
Sürünənlərin başlarının kəsilməsindən sonra bədən, quyruq və ya başlarının 1 saat ərzində tərpənə bilməsi məlumdur. Ancaq kəsilmiş ilan başının ölümcül sancması halına, demək olar ki, rast gəlinməyib.
Qeyd edək ki, çinlilər, koreyalılar və digər Uzaq Şərq və Cənub-Şərqi Asiya xalqları kütləvi olaraq İslam şəriətində haram buyrulan ilan, qurbağa, kərtənkələ, it, pişik və s. heyvanların ətini yeyirlər.