İşğal edilmiş torpaqlarımızda məskunlaşan ermənilərin nə qədər ağır durumda yaşdıqlarından danışılsa da, 20 illik “atəşkəs” dövründə qondarma “DQR” qurumu müəyyən infrastruktur, su, işıq, rabitə, hətta bank sistemi yaratmağa nail olub.

Xankəndidə bir neçə digər banklarla yanaşı, “Artsaxbank” da fəaliyyət göstərir. Həmin bankın Şuşada, Laçında, Kəlbəcərdə, Xocavənddəki və s. filialları da əhaliyə xidmət göstərir.
Dağlıq Qarabağa səyahət etmiş Rusiyanın “İnteresnıy mir” nəşrinin redaktoru Aleksandr Lapşin “Artsaxbank”ın Xankəndidəki və Xocavənddəki (ermənilər “Martuni” deyir) bankomatlarından pul çıxarmaq istəyərkən maraqlı bir faktla rastlaşıb. Sən demə, separatçı qurumun nəzarət etdiyi ərazidə Rusiyanın “Alfabank” , “Sberbank” kimi banklarının kredit kartları işləmir. Amma maraqlıdır ki, İsrailin kredit kartları işləyir.
Qarabağın Azərabaycandan de-fakto qoparılmasında Rusiyanın həlledici rol oynamasına rəğmən işğal altındakı ərazidə bu dövlətin deyil, minlərlə km uzaqdakı İsrailin kredit kartlarının işləməsi doğrudan da, təəccüblüdür.