﻿ Arzu Rəhimovu kimlər qoruyur?

Ana səhifə Bizimlə əlaqə

Rüşvətlə xidmət yeri dəyişdirən “Dayı” - Hakim qarşısında

70 kiloqram qızılla tutulan diplomat sabiq komitə sədrinin qardaşıdır

Sabiq deputat borcları qaytarmaq üçün çabalayır

ARB-nin 5 mərtəbəli studiya binası hansı məmura məxsusdur

Deputat əmisi qızını işdən çıxarıb yerinə öz xanımını təyin etdi

Elman Rüstəmov bütün Azərbaycan vətəndaşlarına qarşı

Ölkədən gizli şəkildə 17 milyonluq metal çıxarıblar

Zaur Mikayılovun bu "kontor"unda dövlət əmlakı talan edilir

Mirdamət Seyidov Bakı şəhərində kəsilən ağacları yenə “yaşıllaşdırır”

Karusel / Slayd (2-10-2019, 10:45)
Arzu Rəhimovu kimlər qoruyur?

Son aylar ölkədə aparılan sistemli kadr islahatları və bunun fonunda korrupsiyalaşmış məmurların “arxiv”ə göndərilməsinin şahidiyik. Görünən odur ki, bu islahatar davam edəcək və daha onlarla məmur bərk-bərk yapışdığı bahalı kreslosunu itirməyə məcbur olacaq.
Alman siyasi kluarlarında belə bir deyim var - “Korrupsiyalaşmış məmur hər an partlamağa hazır olan bombadır”. Çünki onun əməlləri insanların səbr kasasını hər an daşıra bilər ki, belə məmurlardan azərbaycanda onlarladır.
Korrupsiyalaşmış, dolanbac yollarla milyonlar qazanmış məmurlar bəzən elə hesab edir ki, kənarda gizlənməklə illərdir törətdiyi əməllərin hesabını ödəməkdən yaxa qurtara biləcəklər. Bəzilər də elə düşünürlər ki, əmrin geriyə oxunması və sərəncam onu məsuliyyətdən uzaqlaşdırır...
Aylardır hər kəsdən gizlənməyə çalışan, mətbuatda adının çəkilməsini müxtəlif vasitələrlə alan Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) rəisi, general-leytenant Arzu Rəhimov...
Bəli, həmin Arzu Rəhimov ki, illər öncə Azərbaycanın Müdafiə naziri olmaq üçün nələrdən keçmirdi. Sabiq Müdafiə naziri Səfər Əbiyev büdrəyən zamanlarda bütün gücünü işə salan, mətbuatın gündəmindən düşməyən general-leytenant Arzu Rəhimov indi nədənsə gizlənir? Əcəba, Arzu Rəhimov niyə gizlənsin? Nə bar verir və yaxud onu gizlənməyə vadar edən nədir? “MTN işi” bitmədimi Arzu Rəhimov?
Məlumata görə, Arzu Rəhimovun yaxın adamları orta məktəblərdə gənclərin hərbi vətənpərvərlik mövzusunda olan layihələrdən ildə külli-miqdarda pul qazanır.
Bu pulların bölünmə qaydası çox sadədir. Layihə ilk növbədə 3 mərhələli şəkildə hazırlanır. Birinci mərhələdə layihənin məbləği 5-10 min manat civarında göstərilir və müzakirəyə verilir. İkinci mərhələdə bəzi narazılar ortaya çıxır və səfərbərlik üçün 5-10 min manatın az olduğu məsələsi ortaya atılır. Növbəti sonuncu mərhələdə isə layihənin rəqəmi 10 dəfə şişirdilərək 100-200 min manata çatdırılır. Hər bir layihənin 50 faizi Arzu Rəhimovun payına düşür.
Ümumiyyətlə, Səfərbərlik və Hərbi Xidmətə Çağırış üzrə Dövlət Xidməti şəffaf olmayan qurumlar siyahısında ilk yerləri tutur. Hərbi komissarlıqlarda yenə əvvəlki kimi rüşvət və korrupsiya mövcuddur, təkcə dəftərxana ləvazimatları adı altında milyonlar silinir.
Hərbi xidmətdən 1 illik möhlət hüququnun qiyməti 2000 manat civarındadır və sairə. Bu vəziyyət barədə Arzu Rəhimov tam məlumatlıdır və ondan gizlin heç kim bir addım atıla bilməz. Elə isə tam korrupsiyalaşmış məmur olar Arzu Rəhimov nədən hələ də vəzifədədir? O bu postda hansı üstünlüklərinə görə qalmalıdır? Arzu Rəhimovun vəzifədən uzaqlaşdırılması üçün daha hansı əməllər törətməsi lazımdır?
Məlum olduğu kimi, Azərbaycan müharibə şəraitində olan ölkədir və hərbi xidmətə yola salınan gənclərin sağlamlığına, fiziki və psixi vəziyyətinə bir başa Səfərbərlik və Hərbi Xidmətə Çağırış üzrə Dövlət Xidməti cavabdehdir.
Faktaz.com