Biz isə fürsəti dəyərləndirərək, icra başçısının bu il məzun olan yeniyetmə oğlu ilə maraqlı bir söhbət etdik:

 

 

- Deməyə söz tapmıram. Hər gün idmanla məşğul olan adamam. Niyə intihar edim ki? Çox maraqlı gəldi özümə də, görəsən niyə belə yazırlar? Bilmək istəyirsinizsə, hazırda Zuğulbada hökumət bağında üzgüçülüklə məşğulam. Yarışlara hazırlaşıram. Lazım olsa, sizi də idmanla məşğul olduğum yerə dəvət edərəm, zamanınız olsa, buyurub baxa bilərsiniz. Bədənimdə 1 dənə də olsun yara izi yoxdur. Yazılanların da hamısı boş söhbətlərdir.

 

 

- Hə, əlbəttə! Üzgüçülük, kikboksinq, şahmat mənim sevimli idman məşğuliyyətlərimdir. Əvvəl şahmata həvəsim yarandı. Daha sonra fiziki idman növləri ilə də maraqlanmağa başladım. Bu marağın bir səbəbi də atamın bir zamanlar boksla məşğul olması idi. Atam tələbəlik illərindən boksla məşğul olub deyə, bu maraq mənə də keçib. Atamın məşğul olduğunu görəndə məndə də boksa həvəs yarandı. Üzgüçülüklə də maraqlanıram. O da məşğul olduğum idman növlərindəndir. Bakıda tanınan nə qədər peşəkar üzgüçülük yerləri varsa, hamısında üzmüşəm və dərəcəm var. Zuğulbada üzmək mənə  daha xoşdur. Bəziləri qorxurdu ki, mən çox uzağa üzürəm, amma sonra öyrəşdilər. Üzgüçülük məşğuliyyətimi dəyərli insanlarla bir yerdə etmişəm. Arif müəllim Rəhimzadə, rəhmətlik Sirus Təbrizli ilə çox üzürdük. Üzgüçülüklə məşğul olmaq insanı olduqca rahatlaşdırır. Hər kəsə məsləhət görürəm ki, üzgüçülüklə məşğul olsun. Bu sahədə nailiyyətlər əldə etməyim mənim üçün qürurvericidir.

 

 

- Əmimin ürək damarında bir az problem var idi. Əməliyyat etdilər, stend qoydular, hazırda vəziyyəti normaldır. Heç bir problemi də yoxdur. Sağalandan sonra qurban kəsdik, şükür Allaha, hər şey yaxşıdır və hazırda işinin başındadır.

- Bəli, orta məktəbi bu il qırmızı attestat və fərqlənmə ilə bitirmişəm. Bakı Dövlət Universitetinin Hüquq fakültəsinə qəbul olmaq üçün 3-cü qrupa sənəd vermişəm. Sınaq imtahanlarından topladığım orta bal 400-450 arası olurdu. Seçdiyim ixtisası qazanmağa çalışacam. İnşallah, yaxşı olar.

 

 

- Atam həm də Kikboksinq Federasiyasının vitse-prezidentidir. İdmanla məşğul olmağım onun üçün daha xoşdur. Fedarasiyada da idmanla məşğul oluram. Ayın 27-də Qazaxıstanda yarışa gedəcəm. İdmanla maraqlanmağım atama olduqca xoş təsir edir. Hərdən mənə zarafatla “Rembo” deyir. Atamla ata-oğul münasibətindən daha çox, dost münasibətimiz var.

 

- Dostlarım çoxdur - idman sahəsindən, yaşadığımız yerdən, qohumların arasından çoxlu dostlarım var. Onların hər hansı bir xeyir işlərinə atam sevə-sevə yardım göstərir. Ancaq siz deyən mənada tapşırmaq olmayıb. Çünki atam mənə qadağa qoyub. Mənə deyib ki, sən bu işlərə qarışma. Başa düşürəm ki, dostluğu işə qatmaq olmaz. Hamı qanun qarşısında bərabərdir. Ancaq toya, xeyir-şərə atam hər zaman kömək olur.