7 nömrəli Qayıdış qəsəbəsində Alı Alıyevin növbəti səyyar qəbul-görüşü keçirilib. 

Füzuli İH-dən “Qafqazinfo”ya daxil olan məlumata görə, 6 və 7 nömrəli Qayıdış qəsəbə sakinlərinin iştirak etdiyi görüşdə rayonun idarə, müəssisə və hüquq mühafizə orqanlarının rəhbərləri, ictimaiyyət nümayəndələri iştirak edib. 

Alı Alıyev vətəndaşların müraciətlərinə baxılmasında əsas prinsip qaldırılmış problemlərin yaranma səbəblərinin, bu sahədə nəzərəçarpan nöqsanların dərhal aradan qaldırılması olduğunu deyib: “Qayıdış qəsəbələrində yaşayan məcburi köçkünlərin işıq, su, qaz ilə bağlı sosial qayğıları tam həll olunub, əhali məcburi köçkünlər üçün nəzərdə tutlan bütün güzəşt və imtiyazlardan istifadə edirlər. Qəsəbələrdə məktəb, uşaq bağçası fəaliyyət göstərir, tibb məntəqəsi, poçt məntəqəsi, mədəniyyət evi mövcuddur.  Qəsəbələrdə məskunlaşan məcburi köçkünlər həyatyani və pay torpaqları, o cümlədən örüş otlaq sahələıri ilə təmin ilə təmin olunub”.

Səyyar qəbulda rayonun xidmət təşkilatları rəhbərlərinin gördükləri işlərə dair hesabatları dinlənilib.

 Mediatv.az