Bakının Xətai rayonu, Qədir Məmmədov və Cavanşir küçələrinin kəsişməsi növbəti qanunsuz tikinti faktı ilə gündəmə gəlib. Sözügedən ərazidə tikinti materialları satan dükan heç bir rəsmi icazə olmadan obyektini genişləndirir, açıq-aşkar artırma işləri aparır.
Məsələ təkcə şəhərsalma qaydalarının pozulması ilə bitmir. 

Mediatv.az-ın redaksiyasına daxil olan ciddi və narahatedici məlumatlara görə, obyektin arxa hissəsindən strateji əhəmiyyət daşıyan boru xətti keçir. Belə bir ərazidə nəinki tikinti aparmaq, hətta torpaq işləri görmək belə ciddi təhlükə mənbəyidir.Xətai rayonunda ərazidə aparılan bütün tikinti işlərinə nəzarət Xətai Rayon İcra Hakimiyyətinin birbaşa səlahiyyətinə daxildir. Qanunvericiliyə əsasən, icra hakimiyyəti: icazəsiz tikintilərin qarşısını almağa və dərhal tikintini dayandırmağa borcludur.Bu qədər açıq qanun pozuntusu aidiyyatı qurumların xəbəri olmadan mümkündürmü? Yoxsa sahibkara hansısa səviyyədə “toxunulmazlıq” verilib?

Təhlükəsizlik harda qaldı?