Ucar sakinlərinin ötən gün rayon Polis İdarəsinin qarşısında aksiya keçirmələri ilə bağlı kütləvi informasiya vasitələrində məlumat yayılıb

Məlumatları dəqiqləşdirmək üçün Ucar rayon İcra Hakimiyyəti (RİH) ilə əlaqə saxladıq. İcra başçısının birinci müavini Əbil Mehtiyev AzVision.az-a açıqlamasında bu məlumatların doğru olmadığını söyləyib:

“Kimlərsə səhv məlumatlar yayırlar. Həmin məlumatlar həqiqət deyil. Rayon ərazisində heç bir aksiya keçirilməyib. Hazırda rayonda sakitlik hökm sürür. Narahat olmağa heç bir əsas yoxdur. Rayon sakinləri də öz işləri ilə məşğul olurlar”.

Qeyd edək ki, yayılan məlumatlara görə, insanların etirazına səbəb kimi Ucar rayon Polis İdarəsinin rəisi Tahir Quliyevin qohumu, Narkotik Ticarətinə qarşı Mübarizə bölməsinin rəisi Eldəniz İsmayılovun sakinləri təhqir etməsi göstərilir.