İtaliya prezidenti Corcio Napolitano istefa verdi. 

“Mediatv.az” Reuters-ə istinadən xəbər verir ki, ölkə başçısının səlahiyyətlərini müvəqqəti olaraq Senatın sədri Petro Qrasso icra edəcək. 

Napolitano istefa barədə hələ ötən ilin dekabrında anons edib. İyunda 90 yaşı tamam olacaq siyasətçi ikinci dəfə prezidentliyə 2013-cü ilin aprelində seçilmişdi. 

Növbəti prezident seçkilərinin yanvarın sonu keçirilməsi gözlənilir. 

Qeyd edək ki, İtaliyada prezident 7 illik müddət üçün seçilir.