Yumşaldılma tədbirləri bütün dünyada davam edir.
Mediatv.az xəbər verir ki, bunu ÜST-ün Azərbaycandakı rəhbəri Hande Armancı media üçün keçirilən onlayn videokonfrans zamanı deyib.
Onun sözlərinə görə, ciddi karantin rejimi iqtisadiyyata da böyük ziyan vurur və ciddi karantin rejiminin yumşaldılması bu baxımdan məqsədəuyğundur. Bütün hökumətlər hazırda həm insanların sağlamlığını, həm də iqtisadi inkişafı qorumaq istəyir:
“ÜST-ün əsas prioriteti isə insanların sağlamlığıdır. Yumşaldılma prosesi davam etdiriləcək, amma proseslər yaxından izləniləcək. Bu baxımdan hazırda dəqiq bir söz demək çətindir. Əhali bunu anlamalıdır ki, əgər bundan sonra yoluxma sayı artarsa, bu, hökumətlərin və ÜST-ün səhvi olaraq qiymətləndirilməməlidir. Burada əsas məsuliyyət vətəndaşların üzərinə düşür”.
Azərbaycanın pandemiya ilə mübarizəsindən danışan Hande Armancı ÜST-ün rəhbərinin Azərbycanın pandemiya ilə mübarizə siyasətini yüksək qiymətləndirdiyini və əməkdaşlıq üçün cənab prezidentə minnətdarlığını bildiriyini qeyd edib.шаблоны для dle 11.2