Ötən gün Elm və Təhsil Nazirliyinə daxil olan iki qurumun sədri vəzifələrindən azad edilib.

Təhsilin İnkişafı Fondunun İdarə Heyətinin sədri Elnur Nəsibov və Peşə Təhsili üzrə Dövlət Agentliyinin direktoru Ceyhun Kərəmov öz ərilərini ilə işdən çıxıblar. Hər iki şəxsin əmək müqaviləsinə xitam verilib.

Modern.az-ın məlumatına görə, hazırda Peşə Təhsili üzrə Dövlət Agentliyinin direktoru vəzifəsinin icrası direktor müavini Simnar Mamedova həvalə olunub.

Elm və təhsil naziri Emin Əmrullayevin imzaladığı əmrə əsasən fondun idarə heyətinin sədri vəzifəsi isə müvəqqəti olaraq Elm və Təhsil Nazirliyinin Təhsilin iqtisadiyyatı şöbəsinin müdiri İlqar Bayramlıya həvalə edilib.