“Sahibkarlara, iş adamlarına dostluq təklif edirik” - Mikayıl Cabbarov

Ana səhifə Bizimlə əlaqə

70 kiloqram qızılla tutulan diplomat sabiq komitə sədrinin qardaşıdır

Sabiq deputat borcları qaytarmaq üçün çabalayır

ARB-nin 5 mərtəbəli studiya binası hansı məmura məxsusdur

Deputat əmisi qızını işdən çıxarıb yerinə öz xanımını təyin etdi

Elman Rüstəmov bütün Azərbaycan vətəndaşlarına qarşı

Ölkədən gizli şəkildə 17 milyonluq metal çıxarıblar

Zaur Mikayılovun bu "kontor"unda dövlət əmlakı talan edilir

Mirdamət Seyidov Bakı şəhərində kəsilən ağacları yenə “yaşıllaşdırır”

Bakıda maraqlı boşanma: Milyoner cütlüyün toydan bir ay sonrakı DAVASI

İqtisadiyyat (28-10-2019, 08:34)
“Sahibkarlara, iş adamlarına dostluq təklif edirik” - Mikayıl Cabbarov

İqtisadiyyat Naziri Mikayıl Cabbarov bu posta təyin olunduqdan sonra ilk müsahibəsini verib.
Mediatv.az-ın məlumatına görə, M.Cabbarov Azərbaycan Dövlət Televiziyasının (AzTV) “Həftə” verilişində qonaq olub. Mikayıl Cabbarov dövlət başçısının fərmanı ilə Vergilər Nazirliyinin və Dövlət Əmlak Komitəsinin İqtisadiyyat Nazirliyinin tabeliyinə verilməsindən sonra görüləcək işlərdən danışıb:
“Cənab prezidentin tapşırıq və göstərişlərinə uyğun olaraq işimizi quracağıq. İqtisadi inkişaf tempinin xüsusilə qyeri-neft sektorunda sürətləndirilməsi, kiçik və orta biznes üçün şəraitin daim təkmilləşdirilməsi, azad rəqabət mühitinin təmin edilməsi kimi vəzifələr və hədəflər qarşımızda durur. Növbəti həftələr ərzində qarşımızda duran əsas məsələlərdən biri “həmin hədəflərə necə çatmaq olar” sualına cavab olacaq.
İşimizi müsbət bünövrə üzərində quracağıq. Makroiqtisadi vəziyyətə nəzər salsaq, prinsip etibarilə müsbət göstəricilərimiz mövcuddur. Xarici borcumuz aşağı səviyyədədir. Son 10 ay ərzində sürətlə qeyri-formal iqtisadiyyatın formala- yəni “kölgədən ağa çıxmasını müşahidə edirik. Bunu yeni iş yerlərinin, əmək müqavilərinin sayının artımında, gömrük, vergi mədaxilində görüb-müşahidə edirik. Maliyyə sektorunda banklarda olan vəsaitlərin sürətli artımını müşahidə edirik. Bir sözə, ümumi müsbət tendensiyalar mövcuddur. Eyni zamanda dövlət başçısının çıxışında qeyd olunduğu kimi bir sıra qeyd edilən çatışmazlıqlar da var. O çatışmazlıqlarla mübarizə aparmaq İqtisadiyyat Nazirliyinin əsas vəzifəsi kimi görürük”.
Nazir qeyd edib ki, başlıca vəzifələrdən biri də yeni iş yerlərinin yaradılması və əhalinin məşğulluğunun artırılması olacaq:
“Həyata keçirdiyimiz işlərdə ana prinsip təmin edilmiş iqtisadi müstəqilliyin qorunub saxlanılması, başqa sözlə desək, Azərbaycan iqtisadiyyatının dövlətimiz qarşısında duran vəzifələrin həlli üçün zəruri olan resursları təmin etmək, yeni iş yerlərinin yaradılmasına xidmət etmək, əhalinin məşğulluğunu artırmaq, iqtisadi fəallığı artırmaq kimi hədəflərdir. Ölkə iqtisadiyyatının inkişaf etdirilməsi həm dövlətin-büdcənin imkanlarını artırır, həm vətəndaşların imkanını artırır. Bu istiqamətdə də fəaliyyətimizi quracağıq".
Cabbarov qeyd edib ki, bazar iqtisadiyyatının rəqabət prinsipləri əsasında inkişafı üçün antiinhisar qurumların fəaliyyəti gücləndiriləcək:
“Azad rəqabət prinsipinin təmin edilməsi üçün bütün iqtisadiyyatlarda antiinhisar qurumlar fəaliyyət göstərir. Bu qurumun əsas məqsədi azad rəqabətin qorunmasıdır. Çünki rəqabət olduğu şəraitdə biznesin məhsuldarlığı artır, istehlakçının hüquqları daha aydın qorunur. Bizim iqtisadiyyatda bəzi hallarda hələ də antiinhisar sahəsində problemlərlə rastlaşırıq. Bu özünü müxtəlif amillərdə - ilk növbədə qiymətlərin nizam-intizamının pozulmasında, bazara çıxışın məhdudlaşdırılmasında büruzə verir. Ona görə də, başlıca vəzifələrimizdən biri antiinhisar orqanının fəaliyyətini gücləndirmək, onu zəruri mütəxəssislərlə təmin etmək, çatışmayan qanunları qəbul etmək, mövcud qanunvericiliyin tətbiqini gücləndirməkdir”.
Nazir yeni postda sahibkararlara, investorlara müraciət də edib:
"Sahibkarlara, iş adamlarına dostluq və dost münasibəti təklif edirik. Dostluq ikitərəfli yoldur. Sahibkarın problemi olduğu halda İqtisadiyyat Nazirliyinin borcudur ki, onların problemlərini dinləyib həll etsin. Sahibkar da müvafiq olaraq dost kimi üzərinə düşən vəzifələri yerinə yetirməlidir. Vergiləri ödəməli, işini şəffaf qurmalıdır. Cənab Prezident dediyi kimi, başqa öhdəlikləri yoxdur. Biz bu dostluğa sadiq olacağımıza söz veririk. Sahibkarları da buna dəvət edirik".