Gürcüstan tamamilə Rusiya qazının alışından imtina edib.

Mediatv.az-ın məlumatına görə, Gürcüstan iqtisadiyyat nazirinin müavini Georgi Çikovani bildirib ki, ölkəsini bu yanacaqla tamamilə Azərbaycan təmin edir.

Qeyd edək ki, Gürcüstanın qaza olan tələbatın 99,65%-ni Azərbaycan ödəyəcək.

Sənədə əsasən, ölkəyə proqnozlaşdırılan qaz tədarükü 2,689 milyard kubmetr təşkil edəcək.

Gürcüstan bu həcmin 99,65%-ni Azərbaycandan, o cümlədən onun 1,866 mlrd. kubmetrini SOCAR-dan, 813 milyon kubmetrini isə “Şahdəniz” yatağından alacaq. Yerdə qalan 0,35% (9,41 mln. kubmetr) yerli hasilat hesabına ödəniləcək.

Gürcüstan 2017-ci ildə Rusiyadan 100 mln. kubmetr qaz idxal edib. Mart ayından sonra tədarük həyata keçirilməyib.

“Qazprom”la rəsmiləşdirilən sənədə görə, Rusiya Ermənistana tədarük etdiyi qazın tranzitinə görə, Gürcüstana vergini təbii qaz qismində ödəyir. Sənəd 2018-ci ilin sonunadək qüvvədədir.