Türkiyənin elektrik enerjisi istehsalında təbii qazdan istifadəni artırması ötən ilin noyabrında bu məhsulun idxalının yüksəlməsinə səbəb olub. 

Mediatv.az Oxu.Az-a istinadən xəbər verir ki, Enerji Bazarı Tənzimləmə Təşkilatının (EPDK) “2017 Noyabr ayı Təbii Qaz Sektoru hesabatı”na əsasən, 2017-ci ilin noyabr ayında idxal 2016-cı illə müqayisədə 25 faiz artaraq, 5 milyard 448 milyon kubmetrə çatıb. 

Hesabat dövründə Türkiyə Rusiyadan 2 milyard 679 milyon kubmetr, İrandan 789 milyon kubmetr, Azərbaycandan 575 milyon kubmetr təbii qaz idxal edib. 

Xatırladaq ki, ötən ilin oktyabrında Türkiyə İrandan 581 milyon kubmetr, Azərbaycandan 463 milyon kubmetr qaz idxal edib.