Namiq Əliyev: Ermənilər həmişə belə məqamlarda hay-küy salırlar

Ana səhifə Bizimlə əlaqə

Sabunçu rayonunda qanunsuz tikintiyə kim icazə verib? -Video-Foto

Minatəmizləmə Agentliyində maliyyə-idarəetmə pozuntuları aşkar edildi

Binədəki 326 №-li məktəbin direktorunun biznesi...

Fəxri Kazımov 11.7 milyon manatı......

ETSN-də görün, kimlər vəzifəyə gətirilir - İLGİNC İDDİA

Gömrük generalının biznesmen qardaşı ilə bağlı qərar verildi - FOTO

35 milyonluq layihənin axırı...

Daha bir MTK yaşayış ola-ola söküntü aparır — FOTOLAR

Generalın bacısı oğlu çimərlik fotoları ilə şantaj edilib- Rəis işləyir

İdman (18-07-2019, 21:21)
Namiq Əliyev: Ermənilər həmişə belə məqamlarda hay-küy salırlar

Bu gün Azərbaycan Güləş Federasiyasının prezident əvəzi Namiq Əliyev yeniyetmələrdən ibarət yığmaların üzvləri ilə görüşüb.Mediatv.az xəbər verir ki, əvvəlcə iyunda İtaliyanın Faentsa şəhərində keçirilmiş Avropa çempionatında medal qazanmış güləşçilərə və müvafiq milli komandaların məşqçilərinə pul mükafatları təqdim edən Namiq Əliyev daha sonra Avropa Gənclər Olimpiya Festivalında çıxış edəcək heyəti açıqlayıb.
Tədbirin sonunda federasiya rəhbəri brifinqdə jurnalistlərin suallarını cavablandırıb:
“Avropa Gənclər Olimpiya Festivalı 15-ci dəfə təşkil olunacaq. Təşkilatçı ölkə kimi festivalın proqramına güləşin salınmasına nail olduq. Müəyyən çəkilərlə bağlı problem var idi. Ancaq Dünya Güləş Birliyinin Bürosunda təkidlərimiz nəticəsində güləşin hər üç növü üzrə altı çəkinin proqrama salınmasına qərar verildi”.
N.Əliyev bildirib ki, bu il əsas hədəf Qazaxıstanın paytaxtı Nur-Sultanda keçiriləcək dünya çempionatıdır:
“Bildiyiniz kimi, dünya çempionatı güləşdə Olimpiadaya ilk lisenziya verən yarışdır. Bu dəfə lisenziya qazanmaq çətin olacaq. Çünki Olimpiadada hər çəkidə cəmi 16 güləşçi iştirak edəcək. İnanıram ki, güləşçilərimiz Avropa Gənclər Olimpiya Festivalında çox uğurlu çıxış edəcəklər. Orada 18 çəkidə mübarizə baş tutacaq. Ən azı, 15 medal qazanacağımıza ümid edirəm. Qızıl medalların sayının çox olacağına da inanıram.
Avropa Oyunlarına tam əsas heyətlə qatılmamışdıq. Bununla belə, komandamız ümumilikdə kifayət qədər uğurlu çıxış etdi. Ölkəmizin əldə etdiyi beş qızıl medaldan üçü güləşçilərdən gəldi”.
Federasiya rəsmisi qeyd edib ki, gələn il Avropa Olimpiya Təsnifat turnirini Bakıda keçirmək niyyətindədirlər:
“Həmişə belə məqamlarda ermənilər hay-küy salırlar. İndidən Beynəlxalq Olimpiya Komitəsinə yazırlar ki, Bakıda bu yarış keçirilsə, təzyiq altında olacağıq. Sentyabrın 13-də Dünya Güləş Birliyinin İcraiyyə Komitəsinin iclası keçiriləcək. Orada həmin yarışın təşkilatçısı məlum olacaq. Hesab edirəm ki, turnirin keçirilməsini bizə həvalə edəcəklər”