Bu gün Topaz Premyer Liqasında XXXII tura yekun vurulub.

Mediatv.az Musavat.com-a istinadən xəbər verir ki, günün və turun son oyununda Azərbaycan çempionunun adına aydınlıq gəlib.
Zirədə keçirilən matçda “Qarabağ” meydan sahiblərinə qalib gəlib və ardıcıl 3-cü dəfə birinciliyi zirvədə bitirməyi təmin edib. Qarşılaşma “Qarabağ”ın 0:2 hesablı qələbəsi ilə başa çatıb. Beləliklə, bu oyunda əldə olunan 3 xal ağdamlıları əlçatmaz edib.
“Qarabağ” bu oyun da daxil olmaqla ardıcıl 9 qarşılaşmadır ki, xal itkisinə üzülmür. Üstəlik, Qurban Qurbanovun yetirmələri son 13 qarşılaşmada rəqib qapıçıları məyus etməyi bacarıb.