Paytaxtda polis cibgir qadını saxlayıb.

Daxili İşlər Nazirliyi Baş Cinayət Axtarış İdarəsi və Nəsimi rayon Polis İdarəsinin birgə keçirdiyi əməliyyat zamanı 1967-ci il təvəllüdlü Sumqayıt şəhər sakini Esmira Əmirova saxlanılıb. Əvvəllər də eyni əmələ görə 2 dəfə məhkumluq həyatı yaşayan Esmiranin Nəsimi rayonu ərazisində bir neçə cibgirlik faktı aşkar edilib. 

22-ci polis bölməsində ifadəsi alınan qadın əməlini etiraf edib. Hazırda faktla bağlı rayon polis idarəsində cinayət işi başlanılıb. Bundan əlavə onun həyat yoldaşı da bir neçə ay əvvəl eyni əmələ görə həbs edildiyi müəyyən edilib.