Hüquq-mühafizə orqanlarındakı mənbə bildirib ki, yanğın nəticəsində azı 12 avtomobil yanaraq tamamilə sıradan çıxıb. Yanğın səhər saat 6 radələrində başlayıb, yarım saatdan sonra yanğını söndürmək mümkün olub. Polis avtomobillərin saxlanıldığı həyətə jurnalistləri buraxmır.

Dayanacaqda 6 “Rolls-Royce”, 2 “Bentley” və 2 “Mersedec S Class” olduğu bildirilir. Qalan avtomobillərin markası göstərilməyib. Belə ki, bir neçə maşının ancaq kuzovu qalıb və onların hansı markadan olduğunu müəyyənləşdirmək mümkün deyil.

Avtomobillər darısqal həyətdə, çardağın altında bir-birinə sıx şəkildə park olunubmuş. Yanğın nəticəsində çardaq maşınların üstünə çöküb. Rusiya Fövqəladə Hallar Nazirliyi hələlik səkkiz avtomobilin yandığını təsdiqləyir.

Hüquq-mühafizə orqanlarındakı mənbələrdən bildirildiyinə görə, yanan avtomobillərin hamısı eyni adama məxsusdur və Moskvadakı tikinti şirkətlərindən birinin adına qeydiyyatda olub. Şirkətin adı açıqlanmır, yanğının qəsdən törədildiyi əsas versiyadır.