Təkcə Türkiyənin deyil, həm də dünyanın ən böyük şəhərlərindən biri olan İstanbulda bu günə kimi koronavirusa yoluxan olmayıb.
Mediatv.az Türkiyə KİV-lərinə istinadən xəbər verir ki, bu bəyanatla İstanbulun bələdiyyə başqanı Əkrəm İmamoğlu çıxış edib.
İmamoğlu deyib ki, İstanbulda koronavirusa yoluxan olmasa da, bələdiyyə ehtiyat tədbirlərini əldən vermir: “Dezinfeksiya işiylə məşğul olan 40 avtobus təchiz olunaraq, tam hazır vəziyyətə gətirilib. Şəhərimizi və insanlarımızı qorumaq üçün əlimizdən gələni edirik”.
Əkrəm İmamoğlu jurnalistlərlə söhbət zamanı insanları koranavirus təhlükəsinə qarşı diqqətli olmağa çağırıb: “Dostlarınızla əllə görüşün, amma qucaqlaşmayın. Mən evdə övladlarımla da məsafə saxlayıram”.шаблоны для dle 11.2