Nizami rayon Polis İdarəsindən verilən məlumata görə, 25-ci Polis Bölməsinə müraciət edən Rüstəmov küçəsinin sakini, 1996-cı il təvəllüdlü Eyvaz Cəfərov zorakılığa məruz qaldığını bildirib. 18 yaşlı oğlan qeyd edib ki, Qara Qarayev prospektində özünə məxsus Sibir avçarkası cinsindən olan itini gəzintiyə çıxarıb. 

Q.Qarayev prospekti 74 ünvanının qarşısından keçərkən tanımadığı iki nəfər ona yaxınlaşıb. Həmin şəxslərdən biri E.Cəfərovun qollarını tutub. Digəri isə ona bir neçə zərbə vurub. Daha sonra həmin şəxslər iti də götürərək uzaqlaşıblar.

 

Faktla bağlı araşdırmalar aparılır.