AzTV-nin rejissoru Rəşad Zöhrabov faciəli şəkildə dünyasını dəyişib.

Mediatv.az xəbər verir ki, bu barədə məlumatı AzTV-nin əməkdaşı Ruslan Həsənov sosial şəbəkədəki səhifəsində yazıb. Qeyd edib ki, hadisə oktyabrın 20-də axşam saatlarında baş verib 

Yolu keçmək istəyən Rəşad Zöhrabovu avtomobil vurub. Həkimlərin müdaxiləsinə baxmyaraq, o, bir gün sonra müalicə aldığı xəstəxanada keçinib. Dünyasını dəyişən rejissorun dörd övladı var. 

Ruslan Həsənov bildirib ki, mərhumla vida mərasimi Təzə Pir Məscidinin “Vida” zalında olacaq. 

Qeyd edək ki, Rəşad Zöhrabov tanınmış bəstəkar və musiqişünas, xalq artisti Ramiz Zöhrabovun oğludur.