Ötən gün axşam saatlarında Şəmkir rayonunda bədbəxt hadisə nəticəsində dünyasını dəyişən Azərbaycan Respublikası Dövlət Neft Şirkətinin dalğıcı hadisə baş verən vaxt məzuniyyətdə olub

ARDNŞ-in mətbuat xidmətinin rəhbəri Nizaməddin Quliyevin ANS PRESS-ə verdiyi məlumata görə, hadisə ötən gün dalğıc Kür çayında batıb. Onuin meyidini xilasedicilər sudan çıxarıblar.

Həmin əməkdaş aprel ayının 26-dan məzuniyyətdə olub. Onun məzuniyyəti may ayının 13-də bitəcəkdi. Bədbəxt hadisə işlə bağlı baş verməyib. Allahdan həmin şəxsin ailəsinə səbr diləyirik”, - deyə Nizaməddin Quliyev bildirb.

*   *   * 

10:58

Ötən gün axşam saatlarında Şəmkir rayonunda bədbəxt hadisə baş verib 

Kür çayının üzərindəki Su Elektrik Stansiyasında mövcud sızmanı aradan qaldırmaq üçün qabaqlayıcı tədbirlər görmək istəyən Fövqəladə Hallar Nazirliyinin əməkdaşı ehtiyatsızlıqdan çayda batıb.

Axtarış tədbirləri dünən saat 19-da onun cəsədinin suda tapılmasıyla yekunlaşıb. Cəsəd sudan çıxarılaraq məhkəmə tibbi ekspertiza və anatomiya birliyinin Şəmkir rayon şöbəsinə verilib. 

Faktla bağlı hüquq-mühafizə orqanları tərəfindən araşdırma aparılır. (Kəpəz TV)

Virtualaz.org-un "Qafqazinfo"ya istinadən məlumatına görə, FHN-in mətbuat xidmətindən bildirilib ki, Kürdə batan şəxs onların əməkdaşı deyil: "Həmin şəxs SOCAR-ın dalğıcı olub"