İraqlı türkmən rok müğənnisi Mahmud Məhəmmədrza avtomobil qəzası nəticəsində həlak olub

Mediatv.az -ın Habertürk-ə istinadən məlumatına görə, o, qəzadan sonra ağır yaralı halda Kərkükdəki dövlət xəstəxanasına aparılıb. Ancaq həkimlər 28 yaşlı rokçu Kərkük türkünün həyatını xilas edə bilməyib.

O, Musalla qəbiristanlığında dəfn edilib.

Türkmənlərin ilk rokçusu Mahmud Məhəmmədrza dörd qardaşı ilə birlikdə 2011-ci ildə “Eclips” adlı musiqi qrupunu yaradıb. Çoxlu sayda klip çəkdirən bu qrup qısa müddətdə geniş tamaşaçı rəğbəti qazanıb.