Müsbət Dəyişiklik Hərəkatının rəhbəri, gənc aktivist Bəxtiyar Hacıyev saxlanılıb. Mediatv.az xəbər verir ki, polisə çağırılması ilə bağlı gənc aktivist sosial şəbəkədə şəxsi səhifəsi vasitəsilə məlumat yayıb. Məlumatda bildirilir ki, Nərimanov Rayon Polis İdarəsində ona qarşı cinayət işi açıblar.

Məlumata görə, ondan şikayətçi olan şəxslər türk iş adamı Nurettin Eres və onun aktrisa həyat yoldaşı Məlahət Əhmədovadır. 

Hacıyev bildirib ki, həmin iş adamı ondan 30 min AZN borc pul alıb və Bakıda “Fənərbaxça” klubunun məktəbini açıblar: “Pulun qaytarılacağına zəmanət kimi və ölkədən çıxmayacağına təminat vermək üçün pasportunu mənə verib. İndi də aktrisa polisə şikayət edib ki, ərimə qarşı zor tətbiq ediblər, sənədlərini güclə əlimdən alıblar”.
Qeyd edək ki, hazırda Bəxtiyar Hacıyev dindirilmədədir. Ona Cinayət Məcəlləsinin 221-ci (xuliqanlıq) maddəsi ilə cinayət işi başlanıb.