Bakının Nərimanov rayonunda mənzildən oğurlanan 120 min dolların Milli Məclisin deputatlarından birinə məxsus olması barədə xəbər həqiqəti əks etdirmir.

Mediatv.az-a bunu Daxili İşlər Nazirliyi mətbuat xidmətinin şöbə rəisi Orxan Mansurzadə deyib.

Onun sözlərinə görə, həmin pul polisə ərizə ilə müraciət edən vətəndaş Elmir Mehdiyevə məxsusdur.

Xatırladaq ki, dünən Nərimanov Rayon Polis İdarəsinə istinadən rayon sakinlərinin birinin mənzilindən seyfin içərisindəki 120 min dolların oğurlandığı barədə xəbər yayılmışdı.

Polisdən onu da bildirmişdilər ki, oğurlanan pulun sahibi hazırda Milli Məclisdə təmsil olunan deputatlardan biridir. Lakin deputatın adı açıqlanmamışdı.