Bakıda onlarla brend mağaza işini dayandırıb.

Mediatv.az-ın məlumatına görə, onların sırasında alıcılıq qabiliyyəti yüksək olan tanınmış dükanlar var. Şəhərin mərkəzində bağlanan və ya ünvanını dəyişən geyim dükanlarından “Yunayted Sport”, “Koton”, “Promod”, “Kids Vörld” kimi obyektlərin adlarını çəkmək olar.

Bundan başqa, “Salamander”, “LC Vaykiki”, “İmperial man”, “Amplua”, “Etam”, “Okaidi”, “Karaca” kimi məşhur mağazalar şəbəkəsi də Nizami küçəsi, Fəvvarələr meydanında ünvanlarını dəyişib. Zərifə Əliyeva, Rəsul Rza və Üzeyir Hacıbəyli küçələrindəki bir sıra tanınan marka dükanları bağlanıb və ya mərkəzdən kənara köçüb.

Bunun səbəbi alıcılıq qabiliyyətinin aşağı düşməsi ilə izah olunur.

Yada salaq ki, bir neçə tanınmış restoran da fəaliyyətini dayandırıb. “İnteqral” şirkətinin Bakıda üç mağazası, həmçinin “İmpuls”, “Baku Elektroniks” bəzi filiallarını bağlayıb.