Bakı-Quba yolunda ağır yol qəzası baş verib.

Mediatv.az  Fövqəladə Hallar Nazirliyinin mətbuat xidmətinə istinadən xəbər verir ki, Nazirliyin "112" qaynar telefon xəttinə daxil olmuş məlumata əsasən, Bakı-Quba yolunun 45-ci killometrində "Opel" markalı minik avtomobili yolun kənarında hərəkətsiz dayanan "Mercedes" markalı yük avtomobilinə çırpılıb.

Nəticədə deformasiyaya uğramış "Opel" markalı minik avtomobilinin 5 nəfər sərnişini aldığı müxtəlif bədən xəsarətləri nəticəsində hadisə yerində vəfat edib.

Dərhal Fövqəladə Hallar Nazirliyinin xilasetmə qüvvələri hadisə yerinə cəlb olunub və 5 nəfərin cəsədi avtomobildən çıxarılaraq aidiyyəti üzrə təhvil verilib.

Mediatv.az