"Mediatv.az"ın APA TV-ya istinadən xəbərinə görə, Aşağı Mülkülü kənd sakini Nazim İbrahimov 1 ilə yaxın öz həyətində bəslədiyi erkək dananı bazara çıxarıb, baha qiymətə satmaq istəsə də, buna nail ola bilməyib. Kənd sakini iribuynzulu heyvanı razılaşıb istədiyi qiymətə satsa da, aldığı 710 manatın 700-ü saxta çıxıb.

Zərərçəkənin sözlərinə görə, o, fırıldaqçını bazarda ilk dəfə görüb. Bəslədiyi heyvanı satan Nazim İbrahimov pulları dükana vermək istəyəndə onun saxta olduğu üzə çıxıb. Dərhal saxta əskinasları Tovuz rayon Polis Şöbəsinə təhvil verib.

Heyvan sahibinə 14 ədəd eyni nömrəli 50 manatlıq saxta əskinas verən şəxs barəsində Tovuz RPŞ-də cinayət işi başlanılıb, araşdırma aparılır.