Bu gün qadın voleybolçular arasında CEV Kubokunda növbəti oyunlar baş tutacaq

"Mediatv.az"  yerli mətbuata istinadən xəbər verir ki, keçiriləcək görüşlərdən sonra finalçıların adları məlum olacaq.

Bakı təmsilçisi “Azəryol” “Fənərbaxça”nı qəbul edəcək. İlk matçda quru hesabla uduzan Azərbaycan təmsilçisi finala vəsiqə əldə etmək üçün rəqibini 3:0, və ya 3:1 hesabı ilə üstələməlidir. “Azəryol” buna nail olsa, cütün taleyinə “Qızıl set”də aydınlıq gələcək.

Bakı Voleybol Mərkəzində baş tutacaq oyun 17:00-da start götürəcək. Qarşılaşmanı İqor Porvaznik (Slovakiya) və Tomas Murulo (Estoniya) idarə edəcəklər.

Qeyd edək ki, yarımfinal mərhələsinin digər oyununda Almaniya “Dresdner”i ilk matçda 3:2 hesabı ilə üstələdiyi “Uraloçka”nı (Rusiya) qəbul edəcək.