“Mediatv.az” xəbər verir ki, bunu Naxçıvan Muxtar Respublikası Ali Məclisinin sədri Vasif Talıbov MR-da tikintidə işlərin keyfiyyətlə aparılması və təhlükəsizlik tədbirləri ilə bağlı keçirilən müşavirədə deyib. O, bildirib ki, bu çatışmazlıqlar onu göstərir ki, tikinti şirkətləri tərəfindən tələskənliyə yol verilir və təsdiq edilmiş standartlara inşaat prosesində əməl olunmur: “Keyfiyyətə xüsusi diqqət yetirilməməsi, yaxud tikilənlərin lazımi qaydada qorunmaması səbəbindən istifadəyə verildikdən sonra onların bir çoxunda təmirə ehtiyac yaranır".

V. Talıbov tapşırıq verib ki, bununla yanaşı, tikintilərdə yüksək təhlükə mənbəyi olan mexanizm və avadanlıqların istifadədən əvvəl sınaqdan və texniki təhlükəsizlik ekspertizasından keçirilməsi davam etdirilməlidir.