Ermənistan paytaxtında zibil problemi həddini aşıb.Mediatv.az moderator.az-a istinadla xəbər verir ki, bu haqda Ermənistanın ictimai televiziyası məlumat yayıb.

Şəhər meri Qraçya Sarkisyanın sözlərinə görə, dezinfeksiyaedici maddə olan qablar o qədər çirklidir ki, onlara toxunub istifadə etmək belə istəmirsən. Müsabiqə elan etmək və yeni konteynerlər almaq tapşırılıb.

Q. Sarkisyan həmçinin İrəvan küçələrində təmizlikçilərin sayını daha 200 nəfər artırmağı tapşırıb, çünki merin sözlərinə görə, İrəvanda böyük təmizlik problemi var.

“Şəhər palçıq içində batır, səbəbi bəlli deyil. Yeni avadanlıq almaq gərəkdir, amma düşünürəm ki, hazırda insan resursu daha vacibdir. Bizim 300 təmizlikçimiz və 1 milyondan çox sakinimiz var ki, onlar öz gündəlik fəaliyyətləri nəticəsində obyektiv və subyektiv səbəblərdən şəhəri çirkləndirirlər”, - deyə Sarkisyan bildirib.шаблоны для dle 11.2