BMT Təhlükəsizlik Şurası Ukrayna ətrafında vəziyyətlə bağlı iclas keçirmək üçün toplaşıb.
APA-nın məlumatına görə, Ukrayna ilə bağlı iclasın keçirilməsini daha əvvəl ABŞ tələb edib.
Prosessual səsvermə zamanı BMT Təhlükəsizlik Şurası iclasın keçirilməsinin lehinə çıxış edib. Səsvermənin lehinə 10 ölkə, əleyhinə Rusiya və Çin səs verib, üç ölkə isə bitərəf qalıb.
Şuranın sədri, Norveçin daimi nümayəndəsi Mona Juulun verdiyi məlumata görə, iclasda Ukrayna, Belarus, Litva və Polşa nümayəndələri iştirak edəcək.