"Mediatv.az" Türkiyə mətbuatına istinadən xəbər verir ki, Rza Zərrab onu təhdid etdiyi iddiası ilə şikayət etdiyi Əhməd Aydınla olan npövbəti məhkəmə prosesinə qatılmayıb.

Hakim bunun səbəbini vəkildən soruşub o isə cavabında müvəkkilinin xəstə olduğunu deyib. Bundan sonra hakim əsəbləşib ötən prosesdə də eyni səbəbi göstədiyini deyib.

Məhkəmə Rza Zərrabın növbəti prosesdə iştirakına qərar verib və proses təxirə salınıb. 

Qeyd edək ki, İstanbul prokurorluğunun irəli sürdüyü iddianaməyə görə Əhməd Aydın 2013-cü ildə iş adamı Rza Zərraba zəng edərək onu öldürməklə təhdid edib. Dövlət ittihamçısı məhkəmədə Əhməd Aydına təhqir və təhdid əsası ilə 3 aydan 4 ilə qədər həbs tələb edib.