Mediatv.az saytı xəbər verir ki, bu barədə Rusiya mənbələri məlumat yayıb.

Kremlə yaxın mənbə məlumatı təsdiqləyib. Həmçinin “Dojd” telekanalının mənbələri də Prezident Administrasiyası rəhbərinin Dubayda həlak olduğunu təsdiqləyiblər.

“Vneşekonombank” isə bu gün rəsmi məlumat yayacağını bildirib.

Hadisənin şahidinə istinad edən daha bir mənbə “Forbes”ə bildirib ki, hadisə zamanı İvanov azyaşlı oğlu ilə birlikdə dənizdə çimirmiş. Faciəyə nəyin səbəb olduğu aydın deyil.

“Dojd” telekanalı dəqiqləşdirib ki, Prezident Administrasiyası rəhbərinin oğlu dənizdə çimərkən boğulub. Şahidlər hadisə vaxtı dalğanın o qədər də yüksək olmadığını, A.İvanovun nədən boğulduğunu görə bilmədiklərini deyirlər.

Bildirilir ki, Sergey İvanovun oğlunun həlak olması ilə bağlı məlumat iki gündür sosial şəbəkələrdə dolaşırdı. Sosial şəbəkə istifadəçilərindən birinin yazdığına görə, Sergey İvanov Mərkəzi Ordu İdman Klubunun (ÇSKA) basketbol matçlarına getməyi xoşlayır və o, oğlunun ölüm xəbərini bu oyunlardan birini izləyərkən alıb.

Prezident Administrasiyasının rəhbəri oyunun yarısında xəbəri alaraq idman zalını tələsik tərk edib.

Aleksandr İvanovun 37 yaşı olub. O, Moskva Dövlət Beynəlxalq Əlaqələr İnstitutunun (MQİMO) məzunudur. 2002-2006-cı illərdə “Vneştorqbank”da işləyib, daha sonra “Vneşekonombank”a keçib.