Bakı hələ Qarabağ müharibəsindən əvvəl rəsmi səviyyədə bəyan etmişdi ki, Rusiyanın bilavasitə yardımı olmadan Ermənistan Azərbaycan Ordusu qarşısında aciz qalacaq. Göründüyü kimi, Bakı növbəti dəfə haqlı çıxdı.
Mediatv.az xəbər verir ki, bu barədə erməni nəşri “Tert.am”a müsahibəsində regional təhlükəsizlik üzrə rusiyalı ekspert Qriqori Trofimçuk bildirib.
Onun sözlərinə görə, Ermənistanın müharibədə məğlub olmasının səbəblərindən biri də məhz bu ölkənin tək qalması oldu. Hamı ermənilərdən üz döndərdi:
“Bakı tezislərlə İrəvana xəbərdarlıq edirdi ki, əgər Rusiya onlara kömək etməsə, ermənilərin sonu acınacaqlı olacaq. İndi biz görürük ki, Ermənistan ordusunun “gücü” ay yarımlıq imiş. Bundan nə nəticə çıxarmaq olar? Bəli - Azərbaycan dediyini etdi, yenidən haqlı çıxdı”.
Trofimçuk vurğulayıb ki, Bakı üçün artıq "Qarabağ münaqişəsi" anlayışı yoxdur, Moskva isə bu məsələdə neytral mövqe tutub:
“İndi Ermənistan tərəfi çox ehtiyatlı olmalıdır, əks halda həm ərazi, həm də insan itkilərinin sayı daha da arta bilər”.шаблоны для dle 11.2