Virtualaz.org saytı Qərb mətbuatında yayılan məlumatlara istinadən xəbər verir ki, informasiyalara görə, boşanmaya səbəb kral sarayındakı gəlin-qayınana davasıdır. 

Belə ki, Kamilla qayınanası olan kraliça II Yelizaveta ilə mübahisə etdiyi üçün əri Çarlz onu boşayır.

Bu xəbəri ilk olaraq “Globe” nəşri yayıb. Nəşrin yazdığına görə, Kamilla Parker-Boulz əsəbi keçən söhbət zamanı kraliçanın ünvanına həddən artıq kəskin ifadələr işlədib.

Qərb jurnalistləri belə ehtimal edirlər ki, səbəblərə gəlincə söhbət Kamillanın 65 yaşlı əri Çarlzın hələ də heç cürə kral ola bilməməyindən narazı qalmasından gedə bilər. Digər səbəb kimi isə bu göstərilir ki, Britaniya mətbuatının gənc cütlüyə -  şahzadə Uilyamla Kembric hersoginyası Keyt Midltona Çarlz-Kamilla cütlüyündən daha çox diqqət ayırması sonuncunu qəzəbləndirib.

Qərb mətbuatında yayılan şayiələrə görə, kraliça II Yelizaveta da gəlini Kamilla Parker-Boulzdan ciddi şəkildə narazıdır. Belə ki, kraliça-qayınana gəlininin həddən artıq spirtli içki içməsindən əsla xoşlanmır.

Hər halda Braitaniya nəşrləri belə yazır. Onlar bildirirlər ki, kraliça gəlini ilə çox gərgin keçən son görüşündən sonra bərk qəzəblənib. Kraliça bəyan edib ki, Kamilla kral ailəsini biabır edir. II Yelizaveta oğlu Çarlzdan boşanma prosedurlarına dərhal başlamağı da tələb edib.

İlkin hesablamalara görə, kral ailəsindəki bu boşanma sarayın xəzinəsinə təxminən 350 milyon dollara başa gələcək.