İran hökuməti terrorçuların hücumundan sonra İraqa yardım etmək üçün ABŞ-la əməkdaşlıq etmək istəyir. Bu barədə Hafta.az Röyters agentliyinə istinadən xəbər verir. 

İran hökuməti elan edib ki, terroristlərlə mübarizə üçün İraqa qoşun, hərbi məsləhətçilər göndərməyə hazırdır. 
Hökumət rəsmilərindən biri Röyters-ə danışaraq bildirib ki, İran Yaxın Şərqdə terrorizmə son qoymaq üçün ABŞ-la əməkdaşlıq etmək istəyir. 

Həsər Ruhaninin prezident seçilməsindən sonra ABŞ-la İran arasında münasibətlər yaxşılaşmağa başlayıb. İki ölkə arasında İran nüvə proqramı məsələsinin həlli üçün danışıqlar gedir. 

İŞİD (İraq Şam İslam Dövləti) terrorçu təşkilatının hücumundan sonra İraqda vəziyyət gərginləşib. Onlar Mosul və Tirkit şəhərlərini tutaraq Bağdada doğru irəliləyiblər. Daha sonra onların bir neçə rayonu daha ələ keçirdiyi haqda məlumat verilib. 

ABŞ “Əl-Qaidə”nin bir qolu kimi təqdim olunan İŞİD-ə qarşı mübarizədə İraqa yardım üçün danışıqlar aparır. Ancaq ABŞ prezidenti B.Obama açıqlamasında bildirib ki, İraqa qoşun göndərməyəcəklər. Məsələnin həlli üçün digər variantlar müzakirə olunur.