Rusiya prezidenti Vladimir Putin 2013-cü ildə 3,672 milyon rubl (təxminən 104 min dollar) qazanıb

Halbuki bir il qabaq dövlət başçısı 5,79 milyon rubl (təxminən 164 min dollar) qazanmışdı.

Mediatv.az-ın məlumatına görə, bu barədə Kremlin saytına yerləşdirilmiş bəyannamədə bildirilir. 2011-ci ildə isə Rusiya prezidentinin gəliri 3,7 milyon rubl (təxminən 105 min dollar) olmuşdu. Putindən boşanmış keçmiş arvadı Lyudmila Putina haqqında isə saytda bəyannamə yoxdur.

Prezidentin mülkiyyətində torpaq sahəsi, mənzil, qaraj var. O, mənzildən və qaraj yerindən istifadə edir. Daşınan əmlak sırasında onun QAZ M-21, QAZ M-21-R, "Niva" avtomobilləri və "Skif" avtomobil yedəyi var.

Prezidentin mətbuat katibi Dmitri Peskov Putinin 2012 və 2013-cü illərdəki gəlirlərindəki fərqi izah edib: "2012-ci ildə prezident istifadə etmədiyi məzuniyyətə görə kompensasiya alıb, bu il isə həmin kompensasiya olmayıb".