Erika Steynbax: “Türk tarixinin bu hissəsinin təhrif edilmədən orta məktəb dərslinklərində yer alması təmin edilməlidir”

 Bu gün Almaniyaya rəsmi səfərə yollanacaq Türkiyənin baş naziri Rəcəb Tayyib Ərdoğan sürpriz bir təkliflə qarşılaşıb. Mediatv.az xəbər verir ki, Almaniya parlamentində təmsil olunan Xristiyan Birlik Partiyasının insan haqları üzrə müşaviri Erika Steynbax 1915-ci il hadisələri ilə bağlı açıqlama yayıb. 

“Bild” qəzetinin yaydığı həmin məlumatda deyilir ki, Steynbax Ərdoğana müraciət edərək, ondan ermənilərdən üzr istəməsini tələb edib. “Türk baş nazir Ərdoğanı erməni və aşurların Osmanlı İmperatorluğunun hakimiyyəti tərəfindən törədilən soyqırımı inkar etməməyə çağırıram”.

Qondarma məsələni 20-ci əsrin ilk “soyqırımı” kimi təqdim edən alman deputat “Qorxulu soyqırımların başlamasından təqribən 100 il sonra Ərdoğanın vəzifəsi bunlarla üzləşməkdir. Türk tarixinin bu hissəsinin təhrif edilmədən orta məktəb dərslinklərində yer alması təmin edilməlidir” deyə bildirib.