ABŞ prezidenti Barack Obama etiraf edir ki, İraqın Ramadi şəhərinin İslam Dövləti (İD) silahlı qruplaşmasının əlinə keçməsi “taktiki geriləmədir”.

Mediatv.az-ın məlumatına görə, ancaq prezident deyib ki, “yaraqlılara qarşı mübarizədə uduzduğumuzu düşünmürəm”.

Obama mayın 21-də “The Atlantic” jurnalına danışıb. “Şübhəsiz, sünni ərazilərdə təkcə təlim deyil, həm də öhdəlik götürəcəyik. Biz sünni tayfaları indikindən daha yaxşı fəallıq göstərməsinə çalışacağıq,” prezident deyib.

İD ötən həftə Ramadi şəhərini, mayın 20-də isə Suriyanın qədim Palmira şəhərini ələ keçirib.